Fara í efni

Uppskriftir · Í ofninn

Lambafile í parmesankryddhjúp

Úr uppskriftabók Kjöthússins.

Lambafile á pönnu

Lambafile

Hráefni

  • 1 kg lambafile, fituhreinsað
  • 50 g parmesanostur, fínt rifinn
  • ½ box ferskt oreganó
  • 1 box steinselja
  • ½ hvítlauksrif, fínt skorið
  • 80 g brauðraspur
  • svartur pipar, nýmalaður
  • sjávarsalt

Aðferð

  1. Setjið allt nema kjötið í matvinnsluvél og látið ganga í um það bil 2 mínútur, eða þar til raspurinn er orðinn fagurgrænn.
  2. Dreifið raspinum á bakka og veltið kjötinu upp úr blöndunni þannig að það hjúpist vel allan hringinn.
  3. Setjið í eldfast mót inn í 180 °C heitan ofn í 15 mínútur.
  4. Takið formið út úr ofninum, leggið bökunarplötu yfir til að loka hitanum og látið standa þannig í 15 mínútur.
  5. Skerið kjötið í fallegar sneiðar og kryddið með salti og pipar. Farið gætilega í saltið því parmesanosturinn er saltur.

Rauðvínssósa

Hráefni

  • 700 g villisoð (Oscar)
  • 6 sneiðar bacon, saxaðar
  • ½ laukur
  • 250 ml rauðvín
  • 2 tsk. tómatpúrra
  • smjörbolla (100 g hveiti og 75 g smjör)
  • 1 msk. smjör
  • salt og pipar

Aðferð

  1. Bacon og laukur brúnað í smjöri. Bætið við soðinu, rauðvíni, tómatpúrru, salti og pipar.
  2. Látið malla við vægan hita í 20 mínútur. Þykkið sósuna með smjörbollu ef þurfa þykir.